Menu Krye Të Fundit | Shqipëria |

Zakeroni është gati të kthehet në pankinë, por duhet plotësuar një kusht

Zakeroni

Nëse presidenti i FSHF-së, Armand Duka, po mendon për një trajner italian për të ardhmen e përfaqësueses kuqezi, padyshim që një nga emrat më të njohur mes “të papunëve” është ai i Alberto Zakeronit. Ky i fundit, pasi ka drejtuar në vende të ndryshme në botë, është në kërkim të një sfide të re dhe është gati të pranojë oferta, por duhet të jenë intriguese për të.

“Propozimi duhet të jetë shumë intrigues, siç ishte ai i Japonisë, eksperienca më e bukur e jetës time. Dhe nuk është se shkova atje për paratë. Unë dhe të tjerët kemi ende për të dhënë”, shpjegoi trajneri për “La Gazzeta dello Sport”.

“Më mjaftojnë tre aspekte për të vazhduar: ide, pasion dhe vendosmëri. Jam 64 vjeç por eksperienca dhe profesionalizmi kanë rëndësi. Sigurisht mendoja se tani Kapelo do të qëndronte me nipërit, Zeman e shoh të përqendruar dhe ka ato karakteristikat që po flisja më lart. Ndërsa Ranieri ka bërë surprizën e shekullit te Leisteri”, vijoi ai.

Shumëkush mendon se një numër i madh trajnerësh janë plakur dhe duhet t’i lënë vendin të rinjve, por Zakeroni e mendon ndryshe. “Është rritur jetëgjatësia dhe tani po përditësohemi edhe ne.

‘Wyscout’ ka ndryshuar mënyrën tonë të punës, mund të shohim cilëndo ndeshje/ Ka shumë sisteme se si mund të përditësohesh me informacionet, më përpara vetëm duhet të shkoje vetë në stadium. Por këtë të fundit e bëj ende me djalin tim”, ishin fjalët e tij./panoramasport/

(BalkanWeb)


KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .