Menu Krye Të Fundit | Shqipëria |
FLASH

Zbardhet takimi me Ramën e ministrat/ Meta: Luftë pa kompromis kundër krimit të organizuar

5b322616-157e-4fbf-ade4-d13121c8a9f2

TIRANE– Zbardhet mbledhja e Këshillit të Sigurisë Kombëtare, ku ishte i pranishëm presidenti Ilir Meta, kryeministri Edi Rama, si dhe disa prej ministrave të këtij kabineti qeveritarë. Nën drejtimin e Metës, u diskutua mbi gjendjen e sigurisë kombëtare dhe direktiva vjetore e sigurisë së Republikës së Shqipërisë për vitin 2018; kontrolli dhe menaxhimi i integruar i kufijve, lufta kundër krimit të organizuar, terrorizmit dhe emigracionit të paligjshëm; emergjencat civile; siguria e infrastrukturave strategjike portuale dhe aeroportuale dhe mbrojtja kibernetike.

Për gjendjen e sigurisë kombëtare dhe direktivën vjetore të sigurisë së Republikës së Shqipërisë për vitin 2018 informoi Kryeministri, Edi Rama. Ndërkohë, për çështjet e tjera informuan anëtarët e tjerë të Këshillit të Sigurisë Kombëtare. Presidenti theksoi rëndësinë e domosdoshmërisë strategjike për luftën kundër krimit të organizuar, terrorizmit, dhe forcimit të kontrollit të kufijve.
b2505a9f-563b-47cd-8caf-3d492ff3cf9f
Gjithashtu Presidenti shprehu mbështetjen e plotë ndaj agjencive ligjzbatuese për thellimin e luftës pa kompromis kundër trafikut të drogës dhe krimit të organizuar. Po kështu, raportet e Departamentit të Shtetit, Bashkimit Evropian dhe agjencive partnere të specializuara për këto çështje të rëndësishme, nënvizoi Presidenti i Republikës, janë një platformë solide për të reflektuar dhe për të ndërtuar një partneritet të besueshëm, të qëndrueshëm dhe afatgjatë për forcimin e sigurisë kombëtare dhe anëtarësimin në Bashkimin Evropian.
(ed.me/BalkanWeb)


Komente ( 1 )