Menu Krye Të Fundit | Shqipëria |

Zbulohen arsyet, përse u ekzekutua 33-vjeçari brenda lokalit në Vlorë. E kaluara kriminale e viktimës

5a1eafc4-6168-438c-84f9-e409bad5e564 (1)

VLORË  – Të tjera detaje janë zbardhur në lidhje me ngjarjen e rëndë mbrëmjen e djeshme në qytetin e Vlorës, në lagjen “Ujë i Ftohtë”, ku si pasojë e një përplasje me armë në lokalin “Fiks Fare” pranë ‘Lungomares’, ka mbetur i vrarë 1 person e janë plagosur 3 të tjerë.

Sipas burimeve për BalkanWeb, objektivi i atentatit ka qenë viktima Ergys Gjioveshaj. Një person i armatosur ka qëlluar drejt tavolinës ku ndodhej ky i fundit. Pas hetimeve paraprake, dyshohet se atentati ndaj tij është bërë për hakmarrje.

Gjioveshaj në vitin 2000 vrau me armë zjarri moshatarin e tij L.Alushi.

Në sulmin e djeshëm me armë në Vlorë, mbetën të plagosur Arta Luka, Florjan Hila dhe Arsonel Llanaj. Në momentin e atentatit në tavolinë me Gjioveshajn ka qenë vetëm Arta Luka.

Arsonel Llanaj punonte si kamerier në lokalin me muzikë live, ndërsa i plagosuri tjetër Florjan Hila ndodhej një tavolinë larg Gjioveshajt. Policia ka shoqëruar 3 persona lidhur me ngjarjen gjatë natës.

Gazetari Enrik Mehmeti për  “BalkanWeb” ka siguruar edhe pamjet e momentit të transportimit në spital të një prej të plagosurve nga sherri me armë në Vlorë.

NJOFTIMI I POLICISË:
Informacion paraprak
Rreth orës 23:20, në lagjen “Ujë i Ftohtë”, në ambientet e një lokali pas një konflikti të çastit, një person ende i paidentifikuar nga ana jonë ka qëlluar me armë zjarri në drejtim të palës tjetër.
Për pasojë ka mbetur i vdekur shtetasi Ergys Gjioveshaj, 33 vjeç banues ne Vlorë.
Si dhe janë plagosur 3 shtetas të tjerë të cilët janë dërguar në Spitalin Rajonal Vlorë për ndihmë mjekësore:
1. Florjan Hila, 28 vjeç.
2. Arta Luka, 26 vjeçe.
3. Arsonel Llanaj, 32 vjeç.
Të tre të plagosurit ndodhen jashtë rrezikut për jetën.
Policia ndodhet në vendngjarje duke kryer hetimet në lidhje me sqarimin e rrethanave.
Deri në këto momente janë shoqëruar 3 persona me të cilët po punohet për zbardhjen e ngjarjes.
Jane ngritur pika kontrolli, si dhe forca të shumta policore po krehin zonën përreth vendngjarjes për kapjen e autorit.

(e.f/BalkanWeb)


KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.