MEKSIKË– Të paktën 149 persona kanë vdekur pas tërmetit magnitudë 7.1 ballë, që goditi dje Meksikën. Lëkundjet ishin aq të forta sa përveç rrëzimit të shumë ndërtesave, pati edhe shpërthime të fuqishme gazi, duke lënë të vdekur dhe plagosur shumë qytetarë. Goditja goditi vetëm disa orë pas stërvitjeve emergjente rreth kombit në përvjetorin e një tërmeti tjetër shkatërrues që vrau mijëra në Mexico City më 1985.

Tërmeti e kishte epiqendrën e tij në afërsi të qytetit Puebla të Rabosos, rreth 76 milje në juglindje të Mexico City, në një thellësi prej 32 miljesh, shkruan ‘Daily Mail’.

Imazhet e tmerrshme që vijnë nga kryeqyteti i Meksikës tregojnë rrënojat që kanë zënë rrugët, ndërsa qindra njerëz ecin të tmerruar në rrugë. Pak ditë më parë Meksika u godit nga një tjetër tërmet edhe më i fuqishëm, 8.1 ballë, duke shkaktuar 98 të vdekur.

(ed.me/BalkanWeb)