Mbrëmë ka qenë nata e tifozëve të Romës të cilët kanë pritur plot entuziazëm deri në orët e vona mbërritjen e blerjes më të re të klubit, çekun Partick Shick.
Tifozët verdhukë kanë dashur t’i japin një mirëpritje të ngrohtë futbollistin i cili dy muaj më parë kishte zyrtarizuar transferimin te Juventus. Gjithsesi “zonja e vjetër” e prishi marrëveshjen me Sampdoria-n pas vizitave mjekësore ku 21-vjeçari rezultoi me një problem të vogël në zemër.
Daje Roma! ??#ASRoma #Schick pic.twitter.com/HcorqKVGRJ
— AS Roma English (@ASRomaEN) August 28, 2017
Dje klubi kryeqytetas ka mbyllur marrëveshjen me Sampdorian për 38 mln euro dhe futbollisti është nisur për në Romë. Në aeroport tifozët e kanë pritur me brohoritje duke i dhënë një sinjal që këtë sezon presin shumë nga ai.
(e.k/BalkanWeb)