Mes 19 qyteteve më të mira të Europës është përfshirë edhe kryeqyteti shqiptar. Pas disa mediave botërore, edhe prestigjiozja Business Insider sugjeron Tiranën si destinacion për pushimet e kësaj vere.

Shqipëria renditet mes shteteve si Kroacia, Mali i Zi, Portugalia, Spanja, Greqia, Italia, Franca etj.

Neil Cartwright, ekspert turizmi për faqen Kayak shprehet se “Shqipëria është një nga vendet më pak të njohura nga vendet e tjera që ndodhen në Europë, por ia vlen të vizitohet për disa fundjava të gjata”.

“Tirana ka ndryshuar shumë vitet e fundit dhe është një qytet fantastik me shumë kulturë, argëtim dhe një qendër interesante politike”, shprehet ai më tej.

Eksperti shprehet se “është një qytet i mbushur me ngjyra dhe shumë interesant për të bërë foto që t’i postoni në rrjetet sociale”.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb