Muaji dhjetor është muaji i festave dhe atmosfera pozitive ka mbërthyer edhe klubin zikaltër të Interit. Italianët që duken shumë të entuziazmuar pas marrjes së kryesimit në “Seria A” kanë publikuar në faqen zyrtare në rrjetet sociale një këngë për të uruar festat për tifozët e tyre.

“InterBells” titullohet kënga e Krishtlindjes nga ekipi i zikaltërve për këtë vit, e aty shfaqen futbollistë, trajnerë, fëmijë dhe legjenda të së kaluarës që këndojnë në kor.

Për të përfunduar këngën, ajo që na nevojitet është zëri juaj. Bashkojuni korit të zikaltërve dhe këndoni “InterBells” më 16 dhjetor në “San Siro”, është thirrja e lojtarëve ndaj mbështetësve të tyre.

(e.k/BalkanWeb)