Kinë-Në Tsingtao, në Kinë është lëshuar në det anija më e madhe për minerale në botë. Mjeti gjigand që do të transportojë në mënyrë të veçantë mineral hekuri, është i gjatë 362 metra dhe e gjerë 65 metra dhe ka një kapacitet deri në 400 mijë ton.

Ndër të tjera anija mund të përshkruajë deri në 47 mijë kilometra me një shpejtësi 26.9km/orë.
‘Vendi ynë ka bërë shumë progres në ndërtimin e anijeve të mëdha, duke përmirësuar edhe dizajnin ‘, ka deklaruar Chen Jing, presidenti i ‘Wuchang Shipbuilding Industry Group’, grupi që ka realizuar anije me përmasa rekord.
(da.xha/BalkanWeb)