Loris Karius, portieri i Liverpool, ka qenë më i kritikuari pas finales së të shtunës në “Champions League”. Gjithsesi jo shumë pas gjermanit ishte edhe Sergio Ramos, mbrojtësi dhe kapiteni i Realit që dëmtoi Mohamed Salah në pjesën e parë.

32-vjeçari i bëri një kapje egjiptianit që e detyroi të linte fushën për shkak të problemeve në krahë. Një veprim disi i çuditshëm që për shumë opisonistë dhe futbolldashës u cilësua i qëllimshëm.

Së fundmi është zbuluar një tjetër video, këtë herë në finalen e “Championsit” të sezonit të kaluar ku Real Madrid u përball me Juventusin. Ramos dallohet teksa bën të njëjtën tentativë si me Salah ndaj Dani Alves, por ky i fundit fatmirësisht nuk ka patur të njëjtin fat si egjiptiani pasi është shmangur në kohë.

Një ‘tentativë’ që simbolikisht i jep pseudonimin ‘serial kille-r’ futbollistit spanjoll, që mesa duket fillimisht i vë në shënjestër objektivat dhe më pas përpiqet t’i ‘eliminojë’.

(e.k/BalkanWeb)

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: