VLORE- Ministri i Brendshëm Fatmir Xhafaj nga qyteti i Vlorës deklaroi se për këtë qark ka nevojë për kujdes të shtuar sa i takon çështjes së sigurisë. Nga Porti i Vlorës për Xhafajt tha se numri i punonjësve të policisë është shtuar në këtë qytet, për shkak edhe të sezonit turistik.
“Ka disa tregues shumë më pozitiv se vitin e kaluar dhe me ndryshimet që kemi bërë kanë dhënë efekt pozitiv nga pikëpamja e strukturave. Flas për policinë kriminale. Por ka vend për një kujdes të shtuar që është një nga çështjet që kemi diskutuar. Kanë të bëjnë me çështjen e sigurisë në qytetin e Vlorës dhe për kufirin detar. Ndaj kemi një rritje të numrit të policisë”, tha Xhafaj.
Madje ai nuk nguroi të ironizonte edhe opozitën për akuzat për kultivimin e drogës, ndërsa u kujtoi atyre edhe thënien që përdor mxhoranca bashkë me kryeministrin Edi Ram; “Shpif, shpif se diçka do të mbetet”.
“Pavarësisht treguesve pozitivë, ka nevojë për kujdes të shtuar, për frenimin e trafikut të drogës dhe qenieve njerëzore. Pavarësisht propagandës negative, rezultatet janë pozitive. Nga pikëpamja e kultivimit të kanabisit, Vlora ka rezultate të pakrahasueshme nga viti i kaluar. Ky do të jetë viti i gati-gati kultivimit 0 të kanabisit në territorin e Shqipërisë. Çdo opozitë nuk ka për detyrë të lavdërojë qeverinë, por duhet të jetë e përgjegjshme për gjërat që thotë. Strategjitë “Shpif, shpif se diçka do të mbetet”, është gjëja më e keqe që i bëhet vendit dhe qytetarëve”, tha ai.
(ed.me/e.f/BalkanWeb)
