DHERMI- Një sipërfaqe e madhe pyjore është përfshirë nga zjarri mbrëmjen e sotme në zonën e Dhërmiut. Flakët e zjarrit rrezikojnë një lokal dhe një banesë në zonë.
Mësohet se zjarri në zonën mbi plazhin e Dhërmit dhe poshtë rrugës nacionale, i favorizuar nga era po përhapet me shpejtësi, ndërkohë që forcat zjarrfikëse të mbërritura në vendngjarje po punojnë për shuarjen e tij.
Menjëherë drejt vendit të ngjarjes janë nisur edhe forcat e policisë, ndërkohë që ende nuk dihet shkaku i zjarrit.
(BalkanWeb)