Ish-kryeministri shqiptar Sali Berisha përmes një statusi në “Facebook” ka kujtuar se sot ishte një ditë e madhe për shqiptarët, pasi ish-presidenti amerikan Bill Clinton ka vizituar Kosovën.

Berisha shprehet se Clinton ishte njeriu që ka udhëhequr NATO-n drejt çlirimit të Kosovës.

Reagimi i Berishës:

‘E dua këtë popull’, Bill Clinton: Pas 20 vitesh mendoj se ju keni arritur të fitoni paqen.

Fjala i ish presidentit Bill Klinton mikut te madhe dhe te shquar te Kosoves dhe kombit shqiptar i cili udhehoqi Naton ne betejen per çlirimin e Kosoves.

Ish-Presidenti i Shteteve të Bashkuara të Amerikës, Bill Clinton në kuadër ë 20-vjetorit të ndërhyrjes së NATO-s në Kosovë iu bëri apel politikanëve kosovarë, që të punojnë fort për konsolidimin e vendit.

Ai u shpreh se SHBA ka qëndruar dhe vijon të qëndrojë gjithmonë në krah të qytetarëve të Kosovës duke i mbështetur në çdo nismë të tyre. Ish-Presidenti i Shteteve të Bashkuara pohoi se populli i Kosovës e ka fituar paqen, ndërsa tha se tani është koha për të hedhur vështrimin drejt të ardhmes

“Më kujtohen fytyrat e njerëzve që takova ato ditë. Pas 20 vitesh mendoj se ju keni arritur të fitoni paqen. Është një kohë e re tani dhe gjërat e mëdha duken të vogla dhe gjërat e vogla mund të duken të mëdha. Mos harroni kurrë për të menduar për sfidat para jush dhe ua them këtë edhe liderëve tuaj. Ju keni bërë tashmë një diçka të jashtëzakonshme dhe ju keni dhënë gjeneratave tuaja paqe. NATO ka qenë triumf i asaj që ka qenë më e mira e mundshme. SHBA kanë qëndruar me ju pa marrë parasysh se cila parti qëndronte atje apo që drejtonte Kongresin.

Që nga atëherë, ju keni mbajtur zgjedhje të lira. Keni patur drejtësi dhe jeni një ndër katër vendet e Evropës që po përjetoni rritje ekonomike dhe duhet t’ju lavdërojmë më shumë, por natyrisht duhet të bëni më shumë. Ju keni luftuar për këtë dhe ju keni fituar. Nëse ende jam gjallë dua t’ju shoh duke brohoritur për kosovarët që kanë arritur suksese. Shihni gjithçka që ka të bëjë me të ardhmen. Një falënderim të veçantë për shërbimet diplomatike dhe ushtarake këtu”-tha Clinton.

Ish-shefi i Shtëpisë së Bardhë duke folur para shqiptarëve të Kosovës tha se ai i admiron popullin e këtij vendi. Bill Clinton kishte edhe një mesazh për të rinjtë kosovarë ku u kërkoi që të ndërtojnë jetën e tyre në vendin ku janë lindur dhe rritur.

“Unë jam pro migrimit dhe jam pro jush. Unë jam që ju të ndërtoni të ardhmen këtu, të ndërroni familjet tuaja. Ende vazhdoj të besoj se përparimi është i rëndësishëm. Kundër shanseve të vështira, qytetarët morën atë që ndodhi dhe fituan konfliktin, por ju e fituat paqen. Tani çfarë duhet të bëni në 10 vitet e ardhshme, ku dëshironi që të shkojë vendi juaj. Lëshoni armën në tokë dhe krijoni lidhjet dhe të diskutoni për dallimet tuaja dhe diskutoni për të ardhmen. Zot bekoji qytetarët e Kosovës për atë se çfarë jeni. Ju duhet të mendoni më tepër rreth asaj se çfarë mund të bëni më mirë së bashku”- shtoi ai.

Ai tregoi edhe një histori, e cila siç tha Clinton e kishte entuziazmuar pa masë.

“Një nga gjërat më të mrekullueshme që më kanë ndodhur është kur më ndalin njerëzit në rrugë, dhe një kamerier erdhi dhe më pa aty dhe më ra në gjunjë për të më falënderuar. Mirëpo atë çfarë në fakt dëshiroj është më pëlqejnë shumë Kosovarët në NY dhe mendoj se kemi nevojë për juve por unë mendoj se çdo person duhet të ketë mundësi të barabarta për të jetuar këtu për të ndërtuar të ardhmen këtu”, shtoi ai.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb