Në emisionin “Me Zemër të Hapur” të autores Evis Ahmeti, në News24 ditën e djeshme u trajtua një ngjarje që ka të bëjë me një të ri shqiptar, lindur dhe rritur në Itali. I cili më 19 maj të vitit 2024 në orën 05:30 të mëngjesit kur kthehej nga puna, u qëllua pas koke nga një grup të rinjsh maroken, algjerian dhe mes tyre një shqiptar.

I riu u dërgua menjëherë në spital dhe iu nënshtrua një operacioni për më shumë se 8 orë. Pas operacionit i riu Paolo Sarulo mbeti në koma për më shumë se 5 muaj.

Pas zgjimit Paolo mbeti tetraplegjik dhe ushqehet me tub, gjë e cila bëri që pas shumë peripecish nëna e tij Miranda të bëhej pjesë e studios së emisionit “Me Zemër të Hapur” dhe të tregonte për herë të parë publikisht se çfarë kishte ndodhur një vit më parë si dhe problemet e mëdha që vetë ajo dhe i biri kishin përjetuar.

Nga një martesë e dështuar e saj me një shtetas Italian, Paolo ishte detyruar që në fëmijëri të braktiste shkollën për t’ju gjendur pranë nënës e cila dhunohej nga babai i tij (shtetas italian). Gjatë trasmetimit nëna rrëfeu se i biri u braktis për herë të dytë nga babai i tij në këtë moment të vështira që po kalon!

Por pas trasmetimit të emisionit dhe thirrjes që vetë nëna bëri, nëpërmjet GoFundMe, arritën të grumbulloheshin në shumë pak orë, duke u bërë bashkë shqiptar dhe italian duke e çuar shumën në llogari nga 5 euro në gati 53.000 euro.

Sukses ky që për të disajtën herë ndodhë gjatë transmetimit të emisionit me Zemër të Hapur, duke ndryshuar kështu jetën e një të riu dhe duke realizuar edhe sloganin që ata kishin si qëllim! “PAOLO DHE MIRANDA NË JETËN E TYRE TË RE SËBASHKU”.

Për të kontribuar financiarisht për Paolon në GoFundMe, Kliko KËTU

(BalkanWeb)