Që në muajin shkurt kur Neymar u dëmtua u ngritën pikëpyetje rreth prezencës së tij në Botëror me Brazilin pasi futbollisti pësoi një lëndim serioz.
Por pas gati 2 muajsh qëndrimi në Brazil ku kreu fazën e riaftësimit 26-vjeçari në fillim të majit u rikthye në Francë te Paris SG. Sot ai për herë të parë është stërvitur me shokët e skuadrës, duke lënë të kuptohet se rikthimi në fushat e gjelbra është afër.
PSG ka postuar një foto të Neymar në stërvitje bashkë me shokët në mediat sociale, me Lojtarin e Vitit të ‘Ligue 1’ që po përgatitet për ndeshjen e fundit të Unai Emery në krye.
⚽️ @neymarjr is back training on the Parc des Princes and all is well with the world again ?
?? #AllezParis pic.twitter.com/VM7d4zmWZE
— Paris Saint-Germain (@PSG_English) May 17, 2018
Gjithsesi nuk mendohet se Neymar do të zbresë në fushë këtë fundjavë dhe si rrjedhojë prova e parë e tij pas dëmtimit do të jetë miqësorja që Brazili do të luajë me 3 qershor kundër Kroacisë.
Edhe pse duhen 28 ditë nga fillimi i Botërorit ka pikëpyetje për formën që do të ketë ‘ylli’ i Paris SG me kombëtaren pasi qëndrimi larg fushave për një kohë kaq të gjatë do ta bënte shumë të vështirë për këdo.
(e.k/BalkanWeb)