6 medalje në Europian, katër të arta dhe 2 argjend, medalje bronzi në botëror por asnjë nga këto arritje fantastike dhe historike nuk mjaftojnë që Briken Calaj të ndërohet si duhet apo të shpërblehet, në rastin minimal të marrë të paktën atë që i takon. Kampioni i europës vijon orvatjen mes kleçkave ligjore dhe burokracive pa gjetur dot drejtësi, e të mendosh që bëhet fjalë për një peshëngritës të këtij kalibri. Me anë të një statusi në profilin e tij zyrtar në Facebook, Calja i bën thirje Kryeministrit dhe Ministres së Arsimit dhe Sportive të japin zgjidhe problemit të tij:

Briken Calja
Briken Calja

Briken Calja në Shqipëri, fitues i 4 medalje të arta e 2 të argjendta Evropiane dhe një bronzi Botërore, ende nuk është shpërblyer për të gjitha medaljet që i takojnë dhe është në pritje akoma pas 19 muajve për një pritje zyrtare nga ana e institucioneve përkatëse. Kjo është skandal dhe qesharake njëkohësisht. Meqë ra fjala te shpërblimet, po ju informoj e sqaroj që zyrtarët e ministrisë me anë të disa argumentave qesharakë nuk zbatojnë dhe hedhin në kosh rregullat e Federatës Botërore të Peshëngritjes dhe V.K.M-në për shpërblimet në sport. Unë po kërkoj zbatimin e një VKM-je, asgjë më shumë, as lëmoshë e asgjë. Për Brikenin flet rezultati dhe jo burrokracitë dhe parazitizmat e rëmdomta që gjejmë në shoqërinë tonë. Prisni se ka akoma:

Briken Calja 2
Briken Calja 2

Çështje tjetër është dhe punësimi i medalistëve të kampionatit Evropian dhe Botëror. Konkretisht nga ana ligjore unë përfitoj punësim pranë Ministrisë se Brendshme ose te Mbrojtjes por deri tani asgjë e tillë ska ndodhur edhe pse dokumentacionet janë plotësuar të gjitha zyrtarisht. Jam i lodhur nga këto burrokracira. Kur do të vijë dita kur do të marrim atë që meritojmë pa u bërë pjesë e këtyre dogmave skandaloze të shoqërisë sonë. Njëkohësisht nëpërmjet këtij postimi publik i drejtohem Kryeministrit dhe Ministres së Arsimit dhe Sporteve. Jam i gatshëm të bashkëpunoj për ti dhënë drejtimin e duhur zgjidhjes së kësaj situate. I zhgënjyer, i zemëruar por kryelartë.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb