Katër persona u qëlluan me armë dhe një tjetër u plagos me thikë në një klub nate në Spanjën jugore, tha policia të hënën. Dy persona janë arrestuar.

Dy prej tyre ishin në gjendje të rëndë, tha policia në një deklaratë. Ata janë një burrë dhe një grua irlandeze.

Personi që u godit me thikë mendohet se qëlloi me armë zjarri dhe ndodhet i arrestuar. Ai është në gjendje të rëndë me lëndime në gjoks dhe kokë, tha policia.

Më vonë të hënën, policia tha se një i ri 26 vjeçar, ishte arrestuar gjithashtu.

Policia nuk tha se çfarë mund të ketë shkaktuar dhunën, e cila ndodhi pas mesnatës të së dielës në Marbella, një qytet i njohur në Costa del Sol të Spanjës. Policia nuk dha emrat e personave të përfshirë.