Pierre Emerick Aubameyang tërhiqet nga Kombëtarja e Gabonit. Futbollisti i Barcelonës ka komunikuar vendimin përmes një letre zyrtare.

32 vjeçari ka luajtur 72 ndeshje me Përfaqësuesen e tij, ku ka shënuar 30 gola. Gjithashtu, Aubameyang ka kontribuar për Gabon Olympic Team.

“Pas 13 viteve plot krenari në përfaqësimin e vendit tim, po ju lajmëroj se do të tërhiqem nga kombëtarja. Dua të falënderoj popullin gabonez dhe të gjithë ata që më kanë mbështetur, në ditë të mira dhe të këqija.Ruaj kujtime të shkëlqyera, si dita kur debutova apo kur fitova ‘Topin e Artë’ afrikan. Kanë qenë momente të paharrueshme që do i mbaj gjithmonë me vete.Falënderoj presidentin tonë, Shkëlqesinë e Tij Ali Bongo Ondimba, i cili gjithmonë ka mbështetur kombëtaren dhe gjithmonë ka punuar për të rritur futbollin në vendin tonë.

Gjithashtu do të doja të falënderoja të gjithë trajnerët dhe lojtarët që takova gjatë këtij rrugëtimi. Në fund dua të falënderoj babanë tim, i cili më injektoi dëshirën për të ndjekur të njëjtin rrugëtim si ai.Shpresoj të kem bërë krenar duke më parë me ngjyrat e kombëtares mbi supe” – shkruajti ai.

 

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb