Pse Spanja ka mbi 10 mijë të vdekur nga pandemia e koronavirusit ndërsa numri i vdekjeve në Portugalinë fqinje është rreth 200?

Një “pabarazi” e tillë në numër brenda gadishullit Iberik është misterioze, por pjesërisht mund të shpjegohet nga përdorimi i ndryshëm i të dy vendeve të një vaksine.Euronews shkruan se bëhet fjalë për vaksinën e tuberkulozit.

Një studim i ri shkencor ka zbuluar një lidhje të mundshme midis vendeve ku është e detyrueshme të vaksinohen kundër tuberkulozit, të quajtur gjithashtu “Bacillus Calmette-Guerin” (BCG), dhe ndikimin e coronavirusit.

“Ne zbuluam se vendet pa politika universale të vaksinimit BCG (Italia, Holanda, SHBA) janë prekur më rëndë në krahasim me vendet me politika universale dhe të gjata të BCG”, shkruajnë autorët e studimit.

“Ka pasur raporte që vaksina BCG mund të prodhojë mbrojtje të gjerë kundër infeksioneve të frymëmarrjes”, shpjegoi në Twitter, Gonzalo Otazu, studiues në Institutin e Teknologjisë në New York dhe një nga autorët e studimit.

“Ne i shikuam të dhënat: vendet që nuk përdorën kurrë një vaksinë universale BCG u goditën rëndë nga COVID-19, me një numër të lartë të vdekjeve për banorë”.

Italia, vendi me numrin më të madh të vdekjeve nga COVID-19 me 13.915, kurrë nuk e ka aplikuar vaksinimin e tuberkulozit në mënyrë universale. Ndërkohë, Japonia, e cila ka raportuar vetëm 63 vdekje nga coronavirusi dhe ka marrë masa më pak të rrepta të përmbajtjes, ka një politikë universale vaksinimi të tuberkulozit. Studiuesit gjithashtu krahasuan Iranin me Japoninë, dy vende që kanë aplikuar vaksinimin universal BCG, por në periudha të ndryshme. Japonia filloi politikën e saj universale të vaksinimit BCG në 1947 ndërsa politika iraniane u vu në zbatim në 1984. Japonia ka rreth 100 më pak vdekje për milion banorë se Irani, zbuluan ata.

Tuberkulozi shkaktohet nga bakteret që sulmojnë mushkëritë. Njerëzit e kontraktojnë atë duke qenë në kontakt të ngushtë me një person të infektuar pasi teshtijnë ose kolliten.

Sëmundja u bë veçanërisht e zakonshme pas Luftës së Dytë Botërore dhe përdorimi i vaksines u përhapë gjatë viteve 1950, kur u krijuan spitale të mëdha të specializuara për të trajtuar pacientët me tuberkuloz.

Tuberkulozi ose BCG është shumë infektiv dhe pavarësisht se është një sëmundje e parandalueshme dhe e kurueshme, çdo vit 10 milionë njerëz infektohen dhe 1.5 milion njerëz vdesin prej tij, sipas Organizatës Botërore të Shëndetit (WHO).

OBSH thotë gjithashtu se tuberkulozi është shkaku kryesor i vdekjes për njerëzit me HIV dhe një kontribues i madh i rezistencës antimikrobiale.

Gjithsesi mjekët që kryejnë testin në Australi i bëjnë thirrje popullatës së përgjithshme të mos mendojë se do t’i jepet kjo vaksinë para se të njihen rezultatet e provave klinike.

Ilaçi është i nevojshëm për të vaksinuar ose trajtuar 130 milionë njerëz çdo vit dhe kërkesa e lartë do të bënte presion në stoqet e limituara.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb