Administratori i Ujësjellësit Bulqizë Asllan Daxha mohoi në një prononcim për “BalkanWeb” për helmim nga uji i pijshëm në Bulqizë.
Ai deklaroi se në Njësinë Administrative Shupenzë nuk ka kanalizime të ujërave të zeza pasi janë me puseta personale dhe se burimet e ujit të pijshëm janë të sigurta dhe monitorohen gjatë gjithë kohës.
“Nuk ka kanalizime të ujërave të zeza në Njësinë Administrative Shupenzë. Ka një linjë ujësjellësi që është e monitoruar. Jam 100% i bindur se nuk ka ardhur nga uji sepse dy vendburimet e ujit janë të sigurta, të rrethuara dhe monitoruara me roje dhe të klorifikuara.
Mendoj se është virozë sepse paraqitja e personave të ndryshëm në grupe nga 3 apo 5… Ne jemi në kontakt me drejtoreshën e qendrës shëndetësore”, tha ai.
Ndërkohë janë banorët që pretendojnë se helmimi ka ardhur nga uji i pijshëm.