MAQEDONI E VERIUT
Avioni i Qeverisë së Maqedonisë së Veriut “DZR”, i cili përdorej për fluturime dhe udhëtime të nëpunësve civilë pësoi një defekt dhe zbarkoi në mënyrë emergjente në aeroportin e Shkupit, informon “Telma”.
Sipas mediave fqinje, ulja emergjente e avionit të markës “lirijet” ka ndodhur rreth orës 02:20 të mëngjesit. Raportohet se fatmirësisht nuk ka pasur të lënduar. Në avion nuk ka pasur pasagjerë, por me të po përgatitej të udhëtonte vetëm personeli i ekuipazhit.
Avioni kishte probleme me bllokimin e rrotës së përparme. Pas zbarkimit, avioni nuk mund të lëvizte as në pistë. Autoritetet kanë nisur menjëherë hetimet për të përcaktuar shkaqet e incidentit.
(n.m/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
