Deputeti, Flamur Noka është shprehur se kryeministri Edi Rama nuk u paraqit sot në Parlament për të dhënë sqarime lidhur me çështjen McGonigal.
Noka thekson se Rama u fsheh sot si një nxënës i dobët që sëmuret para provimit. Po ashtu shton se të vërtetës nuk i fshihet dot: “Sot u fsheh por këtu është, s’ka ku të shkojë”, thotë ai.
Statusi:
Sot beteja për dinjitet parlamentar
Kryeministri nuk u paraqit me dhënë sqarime për skandalin Rama-McGonigal që po bën xhiron e botës. Mediat botërore i kanë bërë jehonë 4 takimeve sekrete që kryeministri i Shqipërisë ka patur me zyrtarin e arrestuar të FBI-së.
McGonigal në pranga ndërsa Rama në gjendje të lirë. Drejtësia shqiptare nën zero.
Rama i shpëtoi seancës së ballafaqimit me opozitën, si ai nxënësi i dobët që sëmuret para provimit.
Sot u fsheh por këtu është, s’ka ku të shkojë.
Të vërtetës botërore nuk i fshihet dot. Është kapur me fakte. Ka thyer sanksionet e SHBA-ve.
E tundi fort flamurin amerikan por investitor strategjik bëri rusin. Të dorëhiqet menjëherë!
Koha për pranga!
(BalkanWeb)