Së paku katër persona kanë humbur jetën gjatë një sulmi me bombë që ndodhi në provincën veriore afgane Belh.

Shefi i vetëqeverisjes lokale në distriktin Devlet, Abad Jalaluddin Karizade, njoftoi se sulmi u krye përmes aktivizimit të një autobombe në afërsi të stacionit policor në qendër të këtij qyteti.

“Tre civilë dhe një polic humbën jetën në sulm. Një person tjetër u plagos. Si rezultat i shpërthimit, dëmi material u shkaktua në disa ndërtesa”, tha Karizade.

Megjithëse askush nuk e ka marrë ende përgjegjësinë për sulmin, Karizade pretendon se lëvizja talebane, e cila intensifikoi sulmet në Afganistan, qëndron pas këtij akti.

Aktivitetet në lidhje me bisedimet e paqes dhe tërheqjen e forcave të huaja nga Afganistani po intensifikohen. Talebanët kanë marrë kontrollin e 15 distrikteve në dy muajt e fundit.​​​​​​​//AA