Afrika po i afrohet 10 milionë infeksioneve me koronavirus ndërsa pandemia është në valën e saj të pestë në disa vende të kontinentit, njoftoi sot John Nkengasong nga organi shëndetësor i Bashkimit Afrikan.

“Ne mund të jemi lodhur nga virusi, por virusi nuk është lodhur”, tha drejtori i Qendrave të Afrikës për Kontrollin dhe Parandalimin e Sëmundjeve (Africa CDC).

“Varianti i ri Omicron është raportuar në 33 vende afrikane, ku 42 vende kanë përjetuar një valë të katërt të pandemisë dhe pesë vende të tjera një valë të pestë”, tha ai.

Është plotësisht e mundur që mund të lindin variante të reja. A mund të kemi frikë nga më shumë variante këtë vit? Absolutisht po. Viruset pësojnë ndryshim për të mbijetuar”, tha ai.

Nkengasong e cilësoi rënien e fundit të rasteve me koronavirus si një shenjë shumë të mirë.

“Një rënie e vazhdueshme e numrit të rasteve me Omicron është raportuar në vend. Ky është një lajm shumë i mirë”, tha ai.

“Unë mendoj se Afrika e Jugut na ka treguar rrugën se si të përballemi me infeksionet në rritje dhe jo domosdoshmërisht të vendosim një masë izolimi, i cili mund të shkaktojë shumë dëm për ekonominë”, tha Nkengasong.
“Periudha kur ne merrnim masa më të ashpra si izolimi ka mbaruar. Ne kemi nevojë për vendosjen e masave në mënyrë të ekuilibruar”, shtoi ai.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb