Mes emocioneve të nisjes së edicionit të 75-të së Festivalit të Kanës, aty ku Shqipëria përfaqësohet me stendën e saj të filmit, një iniciativë krejt e re vjen nga kryeqyteti.

Për herë të parë, në stendën që na përfaqëson në një ndër festivalet më të rëndësishme së kategorisë A, Tirana do të sillet ndryshe. Zyra e filmit, prurje e Agjencisë së Industrisë Kreative (pjesë e Bashkisë së Tiranës), do të promovohet në Marketin e Filmit në Kanë, e jo pa arsye. Kryeqyteti tashmë do të shërbejë si lokacion për përthithjen e sa më shumë produksioneve të huaja, duke nisur nga prodhimet e Netflix, e deri tek filmat autor evropianë, të cilët do ta shohin Tiranën nën këndvështrimin e vendit ideal për të xhiruar projektin e radhës.

  • foto galeri
  • foto galeri
  • foto galeri
  • foto galeri

Një nisëm kjo, që pritet të sjellë frytet e veta si në industrinë e filmit, ashtu edhe në turizëm.
Tashmë, Tirana do të shfaqet në ekranet e botës, duke u përfaqësuar unikisht në periudhën më të rëndësishme së vitit në fushën e kinematografisë. Dhe ky, është vetëm fillimi!

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb