Danimarka dhe Norvegjia i vijnë në ndihmë sërish Ukrainës, duke i dhuruar 45 tanke shtesë, përfshirë 15 tanke të modernizuara T-72 dhe 30 tanke Leopard 1.
Lajmi u konfirmua nga ministritë e vendeve përkatëse. Kopenhagen po i dërgon gjithashtu Kievit armë, municione dhe pajisje shtesë për pastrimin e minave.
Donacioni është pjesë e një nisme të përbashkët midis ministrive të mbrojtjes të Danimarkës, Holandës dhe Republikës Çeke, të cilat “ndajnë mirëkuptimin se sigurimi i vazhdueshëm i materialit nga stoqet e industrisë dhe prodhimi do të ishte me rëndësi jetike për aftësitë ushtarake të Ukrainës.
Ndërkohë, Norvegjia do të dhurojë gjithashtu rreth 50 transportues ngarkesash të gjurmuara në Ukrainë, njoftoi qeveria e saj. Ky lloj mjeti është në gjendje të manovrojë në terrene të paarritshme për mjetet me rrota.
