Shefi i politikës së jashtme të Bashkimit Evropian, Josep Borrell, tha sot se paqja në Ukrainë nuk do të jetë e mundur derisa Rusia të tërheqë trupat e saj dhe se Moska nuk po tregon shenja se është gati për këtë veprim.

“Kam frikë se Rusia nuk është gati të tërhiqet dhe për aq sa nuk tërhiqet, paqja nuk do të jetë e mundur”, tha zoti Borrell për agjencinë e lajmeve Reuters nga Uzbekistani.

“Është Rusia ajo që duhet të bëjë të mundur paqen, agresori duhet të tërhiqet nëse dëshiron një paqe të qëndrueshme”, tha ai.

Më herët, Kremlini akuzoi Kievin për lëvizjen e qëllimeve në lidhje me bisedimet e mundshme të paqes dhe i bëri thirrje Uashingtonit që ta shtyjë Ukrainën drejt diplomacisë.

Ndërkohë, forcat e Putinit kanë pësuar një sërë pengesash në terren, më e fundit është humbja e qytetit jugor të Khersonit, ndërsa Rusia që atëherë ka përdorur sulme ajrore që synojnë infrastrukturën energjetike dhe objektiva të tjera civile në pjesë të Ukrainës që ajo nuk i mban.

(BalkanWeb)