Kryetari i Partisë Agrare Ambientaliste Agron Duka me anë të një postimi në rrjetet sociale përshëndes zgjedhjen e z. Olsian Çela kryeprokuror të vendit.


Agron Duka shprehet se duhet që organi i akuzës të adresojë sa më shpejt shpërdorimet e detyrës që fatkeqësia natyrore nxori në pah.


  • foto galeri

Postimi i Agron Dukës:


Përshëndes zgjedhjen e z. Olsian Çela si Prokuror i Përgjithshëm me mandat të rregullt. Është e rëndësishme që vendi t’i kthehet normalitetit dhe të gjitha institucionet e reja të drejtësisë të ngrihen sa më parë dhe në përputhje me Kushtetutën. Pa ndarje pushtetesh nuk mund të ketë demokraci. I uroj punë të mbarë z. Çela me shpresën që pandëshkueshmëria të marrë fund në vendin tonë.

Institucionet e reja të akuzës kanë përpara një punë shumë të madhe, e cila duhet të adresojë sa më parë edhe shpërdorimet e detyrës që fatkeqësia natyrore nxori në pah. Tërmeti nuk mund të shërbejë si një amnisti, rruga e rindërtimit duhet të kalojë nga drejtësia e re.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb