Kandidati për kryetar i PD, Agron Shehaj ka deklaruar në emisionin ‘’Frontline’’ të Marsela Karapanços në News24 se Lulzim Basha është kandidati më i fortë përballë tij.
Ai thotë se ka për ta njohur rezultatin e zgjedhjeve në PD, por kjo nuk do të thotë se nuk do të denoncojë parregullsitë.
Më tej Shehaj thekson se përjashtimi i kandidatit Ibsen Elezi ishte i padrejtë pasi nuk kishte arsye.
Shehaj shpreh rezerva edhe për datën e zgjedhjeve duke shtuar që duhej më shumë kohë për një garë reale e të barabartë dhe 22 korriku mund të ishte një mundësi.
Sa i përket asaj që Basha e cilëson si ‘masakra zgjedhore’, Shehaj shpreson që të ketë ndryshime, por thotë se nuk beson se do të ketë ndikim në rezultatin final.
PYETJA: Kë shihni si konkurrentin më të fortë?
S’ka dyshim që Basha është kandidati që është më i forti midis të treve.
PYETJA: Po largimi i Ibsen Elezit?
AGRON SHEHAJ: Mendoj se përjashtimi ka qenë i gabuar, s’duhej përjashtuar. Ka qenë gabim.
PYETJA: Për çfarë arsye duhej përjashtuar?
AGRON SHEHAJ: Pikërisht. Ka qenë e padrejtë.
PYETJA: Jeni dakord me Komisionin, personat që do menaxhojnë 13 qershorin?
AGRON SHEHAJ: Do e kisha bërë dhe menaxhuar ndryshe. Unë kam pranuar të marr pjesë në këto zgjedhje, s’kam ndërmend të bëj kërkesa për të ndryshuar. Mirëpritja varet. Unë do e njoh rezultatin, por s’do të thotë që mos them që ka parregullsira. I jam futur garës duke patur parasysh si është organizuar procesi. Mora vendim të marr pjesë në garë, s’kam tjetër.
Do të duhej më shumë kohë për një garë reale, më të drejtë.
PYETJA: 22 korriku?
AGRON SHEHAJ: Mund të ishte një mundësi.
PYETJA: E keni shprehur pakënaqësinë?
AGRON SHENAJ: Nuk kam qenë në Këshillin Kombëtar prezent, s’do të ndryshonte gjë.
PYETJA: Pse ky afri, kujt i leverdis, zotit Basha?
AGRON SHENAJ: I intereson atij që e ka vendosur, kush e ka vendosur, ka pasur interesin për tu bërë kështu. Vendimi u mor me shumicë, dhe shumica ka pasur të arsyeshme për t’u bërë zgjedhjet kështu.
PYETJA: Dua t’ju pyes për Berishën. Shpallja non grata e Berishës ka sjellë trazim të ujërave. Çdo të thotë të shpallet non grata lideri historik?
AGRON SHEHAJ: S’ka dyshim që lideri historik Sali Berisha ka konktribut të pazëvëndësueshëm dhe pamohueshëm në afrimin e Shqipërisë me perëndimin. Por s’dua të jap opinion. Nuk dëshiroj koment.
Nuk ka kërkuar njeri përjashtim të Berishës në grup parlamentar.
PYETJA: Si e shihni praninë e tij, do ndikonte tek PD?
AGRON SHEHAJ: Edhe për vendimin që nuk kam koment.
PYETJA: Keni besim se hapja e kutive mund të sjellë ndryshim?
AGRON SHEHAJ: Shpresoj. Të them të vërtetën pritshmëritë i kam më shumë të mëdhaja tek SPAK, sesa KQZ.
Pothuajse e pamundur që rezultati i zgjedhjeve të ndryshojë. Mendoj që në fund do jetë shumë e vështirë ose e pamundur të ndryshojë, sigurisht shpresoj të ketë ndryshime të vogla, por jo aq sa të ndryshojë rezultatin final.
PYETJA: Ka pasur mbledhje masive të votave në Tiranë?
AGRON SHEHAJ: Mjafton të shohësh kandidatët që u zgjodhën nga PS, rezulton se ka patur. Nuk më rezulton nga PD. S’di të jenë akuzuar për shit-blerje votash. Zgjedhjet kanë kaluar, unë kam ardhur këtu si kandidat për kryetar të PD. Kur të vijë momenti siç thashë për aleancat do diskutohen aleancat dhe aleatët.
(BalkanWeb)
