Lufta kundër krimit ishte një ndër arsyet që coi në mbyllen e lojërave të fatit. Kështu u shpreh ministri I financave Arben Ahmetaj I fuar në emisionin ‘Open’ me Eni Vasilin në Top-Channel. Ahmetaj u shpreh se historia e lojërave të fatit ka qenë problematik ndër vite në Shqipëri dhe e cilësoi si të suksesshëm për kohën aksionin “Fundi i Marrëzisë” në 2013-ën.
Në vijim Ahmetaj e konsideroi historik votimin e sotëm në parlament, ndërsa u shpreh se në të nuk ka asgjë të fshehtë dhe se cdo gjë është publike.
I pyetur nga Eni Vasili se përse lojërat e fatit nuk u mbyllën në 2013-ën, Ahmetaj u përgjigj se ka një reflektim shoqëror, por një fakt i rëndësishëm për marrjen e kësaj nisme këtë vit janë edhe raportimet nga agjencitë e inteligjencës, të vendit e të huaja, se një pjesë e lojërave të fatit kishin rënë në duart e krimit.
“Ka një reflektim shoqëror, ka një reaksion ndaj përhapjes së fenomenit dhe kthimit të tij në një plagë sociale. Një pjesë e lojërave të fatit ranë në duar që ishin të papërshtatshem, në duar të elementëve kriminale. Këtë e vumë re gjatë këtij viti, nga sondazhet, por edhe nga të gjitha institucionet e inteligjencës të vendit dhe të huaja, për terrenin që gjenin elementët kriminalë në Lojërat e Fatit. 2018-ta kulmoi në atë angazhim që ka qeveria edhe në luftën kundër krimit. Mos e shikoni thjesht si një mbyllje e një industrie, por ta shohim edhe si një reflektim të qeverisë. Ka dy korsi kryesore, njëra është pjesa sociale dhe pjesa tjetër është lufta kundër krimit”, tha Ahmetaj.
(BalkanWeb)