Një aksident në aksin nacional Memaliaj-Krahës ka ndodhur ditën e sotme rreth orës 17:15 teksa 31-vjeçari me iniciale A. H. ka përplasur me automjetin e tij tip Toyota shtetasen E. K. 37-vjeçe.

Raportohet se 37-vjeçarja po kalonte rrugën, ndërsa pasi u aksidentua u transportua menjëherë drejt spitalit të Gjirokastrës për të marrë ndihmën e nevojshme mjekësore.

Sakaq, grupi hetimor ndodhet në vendngjarje dhe po punon për zbardhjen e shkaqeve të aksidentit.

Njoftimi i policisë:

Memaliaj/Informacion paraprak

Rreth orës 17:15, në aksin nacional Memaliaj-Krahës, në vendin e quajtur “Krahës”, shtetasi A. H., 31 vjeç, banues në fshatin Toç, Memaliaj, duke drejtuar automjetin tip “Toyota”, ka aksidentuar shtetasen E. K., 37 vjeçe, këmbësore në rrugë, e cila u transportua për në spitalin Rajonal Gjirokastër, për të marrë ndihmën mjekësore.

Drejtuesi i automjetit u shoqërua nga shërbimet e policisë, për kryerjen veprimeve të mëtejshme procedurale.

Grupi hetimor ndodhet në vendngjarje dhe po punon për zbardhjen e shkaqeve të aksidentit.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb