ERSEKA

Një aksident automobilistik ka ndodhur sot në qytezën  e Ersekës.

Si pasojë, një person është plagosur rëndë dhe është dërguar me urgjencë në spital.

I dëmtuari ka marrë plagë të shumta në trup. Një automjet dyshohet se ka dalë nga rruga.

Ende nuk dihen shkaqet e aksidentit, ndërsa policia ka arritur në vendngjarje. Ngjarja ka ndodhur në afërsi të Fushave të Selenicës.

Njoftimi i policisë:

Kolonjë/Informacion paraprak

Më datë 30.11.2020, rreth orës 13:45, në aksin rrugor Ersekë-Korçë, në vendin e quajtur “Fusha e Selenicës”, ka dalë nga rruga mjeti tip “Volksvagen”, me drejtues shtetasin G. X., rreth 45 vjeç, i cili për pasojë është dëmtuar dhe ndodhet në Spitalin e Ersekës, nën kujdesin intensiv të mjekëve.

Grupi hetimor po punon për sqarimin e rrethanave të aksidentit.

(d.xh/ Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb