Një aksident është regjistruar pak minuta më parë në aksin nacional Berat-Urë Vajgurore, në fshatin Moravë. Një automjet, tip Benz, me targa AA O59 ZS, ka dalë nga rruga si pasojë e shiut dhe lagështirës dhe ka përfunduar në kanal.

Nga aksidenti është plagosur lehtë drejtuesi i mjetit, 52-vjeçari Vasil.K, i cili është transportuar drejt Spitalit Rajonal të Beratit, jashtë rrezikut për jetën.

Në vendngjarje kanë shkuar zjarrëfikësit dhe forcat e policisë, që po kryejnë edhe veprimet paraprake për të zbardhur shkaqet e aksidentit.

Sipas burimeve të para nga vendngjarja, konfirmohet se mjeti ka qënë duke udhëtuar me shpejtësi dhe në tentativë për të frenuar ka devijuar rrugën dhe ka përnduar në kanal, kjo edhe për shkak të lagështirës në rrugë.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: