Pamjet që shihni në foto vijnë nga një aksident i ndodhur në qytetin e Korçës, ku u përplasën dy makina e u regjistruan 4 të lënduar.
Gazetarja Lorena Kodra, raporton për “BalkanWeb”, se aksidenti ka ndodhur në vendin e quajtur “Dritat e Verdha”.
Sipas informacioneve paraprake, një nga të lënduarit ndodhet ende brenda automjetit dhe forca zjarrfikëse po bëjnë të mundur daljen e tij nga makina.
Raportohet se katër të lënduarit janë jashtë rrezikut për jetën, ndërsa policia ndodhet në vendngjarje për të zbardhur dinamikën e plotë të aksidentit.