VLORE- Një 36-vjeçar nga Vlora ka qenë me fat, pasi i ka shpëtuar një aksidenti të frikshëm mesditen e sotme në autostradën Vlorë-Fier. Mjeti me të cilin udhëtonte, një “Volskwagen-Polo” ka dalë nga rruga rreth orës 15:30 pranë fabrikës së kripës, duke u përplasur me trafikndarësen.
Siç shihet edhe në foton e siguruar nga BalkanWeb, përplasja ka qenë aq e rrezikshme sa mjeti me targë AA 013 HI është kthyer përmbys në rrugë.
Policia po heton për shkaqet e aksidentit, ndërsa shoferi R.Z., 36 vjeç nga Vlora është dërguar në Spitalin e Vlorës për ndihmë mjekësore.
(ma.ar/BalkanWeb)