FRANCË- Një aksident tragjik ka tronditur sot Francën, ndërsa të paktën 42 persona kanë humbur jetën, nga përplasja e një autobusi me një kamion.
Aksidenti ka ndodhur në afërsi të Libourene, qytet francez jo shumë larg nga Bordeaux. Sipas mediave vendase, përplasjes i kanë shpëtuar vetëm 3 persona.
Të njejtat burime shtojnë se në bordin e autobusit udhëtonin një grup të moshuarish. Ky konsiderohet si aksidenti më i rëndë rrugor, i ndodhur në Francë që nga viti 1982.
Nga Athina, ku po qëndron për vizitë presidenti i Francës, Francois Hollande, ka thënë se janë mobilizuar të gjitha shërbimet emergjente dhe se ai është “zhytur në pikëllim nga tragjedia.”
(ma.ar/BalkanWeb)