Në aksidentin që ndodhi dy ditë më parë në autostradën Vlorë-Levan ku humbi jetën 23-vjeçarja Anxhela Çapo dhe mbeti e plagosur shoqja e saj Silvana Muho, 22 vjeçe, mësohet se dy vajzat që kanë qenë duke udhëtuar me makinën tip “Hyndai”, lëviznin me një shpejtësi tepër të madhe duke i kaluar 160 km në orë në një kohë që në këtë autostradë limiti maksimal është 90.

Gazetari Enrik Mehmeti ka siguruar pamjet 3 minuta para aksidentit tragjik, ku vajzat ashtu siç rëndomë bëjnë në rrjetet sociale filmonin njëra-tjetrën dhe publikonin videot.

Siç duket nga pamjet shoferja është duke luajtur me timonin. Detajet si thonjtë, unaza por edhe një sekuencë tjetër e realizuar pak minuta para ngjarjes nga telefoni i të plagosurës Silvi Muho, konfirmojnë se në timon ka qenë viktima Anxhela Çapo ndërsa pas aksidentit policia ka arrestuar shoqen e saj, 22-vjeçaren Muho, si personi që drejtonte makinën.

Anxhela 1
Anxhela 1

Aksidenti i rëndë ndodhi mbrëmjen e së martës, sipas njoftimit të policisë në orën 19:25 minuta. Ndërkohë që videot e bëra nga vajzat janë në orën 19:22 minuta, pra 3 minuta para përplasjes fatale të makinës me trafikndarësen që ishte vdekjeprurëse për 23-vjeçaren Çapo.

Aksidenti Vlore
Aksidenti Vlore

Videot e sjella në “BalkanWeb” nga gazetari Enrik Mehmeti kanë qenë në telefonin e Muhos, e cila është ende në spital në gjendje të rëndë. Makina me të cilën udhëtonin dy shoqet “Hyundai” u shkatërrua plotësisht nga përplasja e fortë.

(Modeli i makinës me të cilin udhëtonin dy shoqet)

  • foto galeri
  • foto galeri

NJOFTIMI NGA POLICIA MË 26 JANAR
“Më datë 26.01.2021, rreth orës 19:25, në autostradën Vlorë- Fier, mjeti me drejtuese shtetasen A.Ç., dhe pasagjere shtetasen S. M., 22 vjeçe, ka humbur kontrollin dhe ka dalë nga rruga.
Si pasojë e daljes nga rruga ka ndërruar jetë në vendngjarje drejtuesja e mjetit shtetasja A. Ç., dhe është dërguar në spitalin e Vlorës, në gjëndje të rëndë shëndetësore pasagjerja e mjetit shtetasja S.M.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit”, deklaron policia e Vlorës.

NJOFTIMI NGA POLICIA MË 27 JANAR
Vlorë
Në vijim të informacionit paraprak të dhënë mbrëmjen e djeshme, në lidhje me aksidentin rrugor të ndodhur në autostradën Vlorë-Fier, nga veprimet hetimore ka rezultuar se në drejtim të mjetit nuk ka qenë shtetasja A. Ç., 23 vjeçe, e cila ka ndërruar jetë në vendngjarje, por ka qenë shtetasja S. M., 22 vjeçe.

Në përfundim të veprimeve hetimore, nga specialistët e Qarkullimit Rrugor u bë arrestimi në flagrancë i drejtueses së mjetit, shtetases S. M., për veprën penale “Shkelja e rregullave të qarkullimit rrugor”.

Po nga specialistët e Qarkullimit Rrugor u arrestua në flagrancë shtetasi A. V., 19 vjeç, pasi më datë 25.01.2021, duke drejtuar automjetin e markës “BMW” është përplasur me automjetin e markës “Benz”, dhe si pasojë ka ndërruar jetë në vendngjarje drejtuesi i automjetit “Benz”, shtetasi N. M., 53 vjeç.

Materialet iu referuan prokurorisë, për veprime të mëtejshme.

PAMJET E AKSIDENTIT

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb