Policia e Kukësit ka arrestuar një 39-vjeçar pasi ditën e djeshme ka aksidentuar për vdekje me makinë një të moshuar.

Aksidenti ndodhi dje rreth orës 09:30, në qytetin e Kukësit, ku shtetasi M. S., 39 vjeç, duke drejtuar automjetin, ka aksidentuar shtetasin D. Xh., 75 vjeç (këmbësor).

Në përfundim të veprimeve procedurale për këtë rast, u arrestua në flagrancë shtetasi M. S., për veprën penale “Shkelja e rregullave të qarkullimit rrugor”. Shtetasi D. Xh. humbi jetën, për shkak të dëmtimeve të marra nga ky aksident.