Një aksident është regjistruar mesditën e sotme në Savër të Lushnjës.

Në aksident janë përfshirë dy makina, një “Toyota” dhe tjetra “Benz”. Drejtuesi i mjetit tip “Toyota”, pretendon se përplasja është shkaktuar nga drejtuesi i “Benzit”, që sipas tij ka qenë i pirë.

Në një video të siguruar nga “BalkanWeb”, shihet dhe debati që vëllai i drejtuesit të “Toyotës”, bën me efektivin e policisë. Ai i kërkon policit që t’i bërë testin e alkoolit të dy shoferëve, për të verifikuar pretendimet e ngritura, ndërsa shton se policia i ka bërë testin e alkoolit vajzës që ishte pasagjere në mjet.

Sakaq, sipas drejtuesit të “Toyotas” dhe personave që kanë qenë pasagjer brenda saj, policia ka lejuar drejtuesin e mjetit të largohej, duke i dhënë të drejtë.

Vëllai i shoferit të dëmtuar:
Ç’a ke re.

Polici: Je njeri apo çfarë je.

Vëllai i shoferit të dëmtuar: Mos tallni b*thën.

Polici: Të lutem vazhdo, do të shoqëroj për pengim në kryerje të detyrës.

Vëllai i shoferit të dëmtuar: Vetëm të drejtën duam ne, asgjë tjetër. Merrja testet e alkoolit të dyve.

Polici: Do ia marrim. Unë zbatoj detyrat një nga një. Ma hiq telefonin, sepse po pengon në kryerje të detyrës.

Vëllai i shoferit të dëmtuar: Uë po filmoj vllain tim sepse, ime më kërkon të dijë si është vëllai.

Polici: Komandant, merr masa, shoqëroje në komisariat zotërinë. Nuk po bëj presion, jam në krye të detyrës. I kam bërë test alkooli, si djalit dhe vajzës dhe dolën zero zero.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb