Një autobus me targa shqiptare është përmbysur në Kroaci, ndërsa nga informacionet e para raportohet për viktima.

Ngjarja ka ndodhur rreth orës 23:43 në kilometrin e 112-të të autostradës nga Spliti në Zagreb, jo shumë larg Otoçacit.

Mediat kroate raportojnë se mjeti drejtohej nga një shtetas shqiptar, 58 vjeç, ndërsa për arsyeje të panjohura, ka devijuar majtas duke u përplasur me trafikndarësen e rrugës e më pas autobusi është përmbysur.

Në momentin e aksidentit në autobus ndodheshin 9 pasagjerë dhe shoferi, ndërsa një prej tyre ka ndërruar jetë dhe shtatë janë plagosur. Po ashtu raportohet se disa persona janë plagosur dhe po trajtohen në spitalet e përgjithshme në Karlovac dhe Ogulin.

(BalkanWeb)

• Autobusi shqiptar i përmbysur në rrugën me borë, pamjet nga aksidenti në Kroaci. 1 i vdekur
• Detajet/ Aksidentimi në Kroaci i autobusit nga Shqipëria, viktima një 41-vjeçar shqiptar, shoferi rëndë