Analisti Artur Zheji deklaroi se Prokuroria e Posaçme po sulmohet si nga e majta dhe e djathta. I ftuar në “Pikat mbi I” në ‘News24’ Zheji tha se sulmon SPAK pasi ka frikë se i ka dalë situata jashtë kontrollit.

Ndërkohë analisti Fatos Lubonja tha se SPAK dhe reforma në drejtësi janë fasadë për të mbuluar grabitjet.

Zheji: Ka pasur shumë debate për një ndeshje finale që u bë. Apo dhe çfarë do të bëjë Berisha. Duket se ka një regji më të madhe që do të devijojë vëmendjen e opinionit nga temat e prekura, si lufta kundër korrupsionit. Ne jemi një vend që po humbet gjithmonë pozicione në luftën kundër korrupsionit, siç është dhe pandëshkueshmëria. Kush e mbron ligjin në këtë rast? Të paktën SPAK duket se është organizmi më sensitiv dhe rezultatit në këto vitet e fundit. Nuk është problemi se SPAK është devijim i reformës. Shpresoj mos të jetë një iluzion.

Lubonja: Ky është një debat që mbulon dhe temat e mprehta. Ka shkuar nafta tani 256, ne presim që të shkojë 500. Atëherë do të bëhet një protestë e vogël. Po ai këshill që mblodh pse na mashtroi?! Kjo lidhet shumë me SPAK, deh do të ishte vërtetë një gjë e madhe nëse luftonte korrupsionin. S’jam i këtij vendimi që SPKA e luan këtë funksion. Nuk e mënoj se që të shkojmë drejt shtetit të së drejtës është vetëm një anije, por disa. Është ekonomia, media, ndarja e pushtetit. Ka shumë anije kjo flota. Ndërkohë që të gjitha këto anijet e tjera shkojnë nën drejtimin që do Rama, ne shpresokemi se kjo anije e SPAK të ecë në drejtim të kundër. E vërtea është do e tërheq SPAK apo këta po e tërheqin SPAK andej nga shkojnë vetë. Mendoj se reforma e drejtësisë që ka bërë Rama, ka bërë që të kapë drejtësinë anija e tij, pra ta përdorë SPAK. mendoj se të gjithë këta duhet të kenë frikë, Rama, Balla. Veç këta s’kanë frikë fare nga drejtësia sikur nuk kanë të palara fare. E shoh si manovër, pasi jemi në një sistem ‘demokrat’ ku duhet fasada për të jetuar politikisht. SPAK dhe reforma në drejtësi është fasadë për të mbuluar ndikimin e një partie të vetme, parti shtet.

Zheji: 140 persona votuan reformën në drejtësi. Rama nuk arrin që të paramendojë gjithë këto ngjarje. Nuk mendoj gjithmonë se ai ka një kokë kaq gjeniale që bën këto lëvizje, apo një staf gjenish. Përça opozitën apo bëj SPAK. Kjo më tingëllon perfekte për të qenë e vërtetë. Ma dogji Lubonja, por ne nuk kemi një prokurori që e merr presidenti në telefon, siç e merrte Berisha psh dhe fuste Nanon në telefon. Nuk kemi përdorim politik në atë formë që kemi parë herë të tjera. Këto më japin shpresën e arsyeshëm se SPAK po goditet nga e majta dhe e djathta. Kanë frikë se mos goditet e majta apo dhe nga e djathta mos goditet Berisha. Kur është pyetur Kraja për këto heshtje tha; nuk marrim porosi, veprojmë të pavarur.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: