Ministri i Brendshëm, Bledi Çuçi ka reaguar në lidhje me aksionin policor të ndërmarrë sot në Korçë, ku u lëshuan 31 urdhër-arreste dhe u proceduan 101 persona.

Sipas Çuçit, Policia e Shtetit është e angazhuar që t’i shkojë deri në fund luftës kundër drogës.

“Operacioni anti-drogë në Korçë me 31 urdhër-arreste dhe 101 persona të proceduar penalisht është një tjetër dëshmi e rritjes së forcës goditëse të Policisë së Shtetit dhe luftës së pakompromis kundër krimit të organizuar. Përgëzime strukturave vendore të policisë dhe Agjencisë së Mbikëqyrjes Policore, që falë punës së tyre arritën të zbulonin dhe dokumentonin këtë veprimtari kriminale në fushën e prodhimit dhe shitjes së narkotikëve. Jemi frontalisht të vendosur për t’i shkuar deri në fund luftës së vazhueshme kundër drogës, për një shoqëri më të sigurt që garanton zhvillimin dhe të ardhmen tonë.”, thuhet në reagimin e Çuçit.