ITALI
Ylli i serialeve turke, Can Yaman nuk është më beqar. Aktori me origjinë shqiptare dhe shumë i famshëm nga roli i “Xhanit” njihet për flirtet e tij me vajzat e showbizit, jo vetëm atë turk, por edhe italian e madje fama e tij ka shkuar deri në Spanjë. Nuk kanë qenë të pakta herët kur është përfolur për lidhje me vajzat e ekranit atje.
Së fundmi mediat italiane shkruajnë se bukuroshi është në një lidhje me gazetaren e njohur të sportit në Itali, Diletta Leotta. Dyshja janë parë duke shkëmbyer puthje pasionante teksa kanë kaluar 5 net në një hotel në Romë.
Tani për tani as Can Yaman dhe as Diletta Leotta nuk janë pronocuar, por gazetarja ushqen muhabetin duke postuar një foto nga dhoma e hotelit duke mbajtur një buqetë me lule.
Në foton e publikuar nga Leotta, ajo shihet e ulur në shtrat, teksa mban një buqetë në dorë: “Pas një dite pune, gjetja e një buqete me lule në dhomë na bën të flemë me një buzëqeshje,” shkroi ajo krahas fotos. Një dhuratë romantike nga aktori turk?
