Gwyneth Paltrow kujtoi përvojën e vështirë të lindjes së vajzës së saj, Apple Martin. Ajo zbuloi për herë të parë se pothuajse vdiq gjatë lindjes.

Aktorja foli për dy prerjet cezariane që pati për sjelljen në jetë të dy fëmijëve të saj, 17 dhe 15 vite më parë, operacione që i kanë lënë një shenjë të madhe.

“Vajza ime ishte një emergjencë, ishte çmenduri, gati sa nuk vdiqëm,” tha ajo në podcastin “Armchair Expert” të hënën. “Sidoqoftë, ka një shenjë të madhe në trupin tuaj, dhe ju mendoni, ‘Oh wow, kjo sikur nuk ka qenë atje’.”

Duke folur për periudhën pas lindjes, Paltrow u ndal të kritikonte mediat sociale për vendosjen e pritshmërive joreale te gratë pas lindjes.

“Falë Zotit nuk kishte Instagram kur unë linda fëmijët, sepse tani njerëzit janë: ‘Oh, sapo linda dy javë më parë dhe kam një bark krejtësisht të sheshtë’, dhe them: ‘Uau kjo nuk duket si dukesha unë’. Pa paragjykime, por tani ne po ushqehemi me të gjitha këto imazhe që tregojnë se si duhet të dukemi gjatë gjithë kohës – me bebe apo pa bebe.”

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb