Binance, kompania më e madhe e kriptomonedhave në botë, është paditur nga Komisioni i Letrave me Vlerë dhe i Shkëmbimeve për kryerjen e një shkëmbimi të paligjshëm në SHBA.

Padia, e cila është veprimi i fundit i ndërmarrë nga rregullatorët për t’i bërë firmat e kriptove që të përputhen me ligjin amerikan, u ngrit në gjykatën federale në Distriktin e Kolumbias të hënën dhe thirri themeluesin e firmës, Changpeng Zhao.

Autoriteti i Wall Street, SEC ngriti 13 akuza kundër Binance për keqpërdorim të miliarda dollarëve nga fondet e klientëve, si dhe ka mashtruar autoritetet rregullatore dhe investitorët për operacionet e saj financiare.

Ankesa gjithashtu pretendon se të pandehurit kanë përzier fshehurazi miliarda dollarë të aseteve të investitorëve dhe ia kanë dërguar ato një pale të tretë, Merit Peak Limited, e cila është gjithashtu në pronësi të Zhao.