Ka nisur sot gjyqi ndaj kryeministrit izraelit, Benjamin Netanyahu, i cili akuzohet për korrupsion. Netanyahu, që është kryeministri i parë i Izraelit, që përballet me një proces penal në kohën sa është në detyrë, është i obliguar që të marrë pjesë në seancën gjyqësore.

Nisja e gjykimit ndaj Netanyahut vjen vetëm tri javë pasi ai u betua si kryeministër i Izraelit në mandatin e pestë. Netanyahu po akuzohet për ryshfet, mashtrim në tri raste të ndara. Netanyahu dyshohet se ka pranuar dhurata nga biznesmenë të pasur dhe ka dhënë favore për të pasur një paraqitje sa më të mirë në media.

Gjyqi ndaj Netanyahut ishte paraparë që të niste më 17 mars, por u shty për shkak të pandemisë së koronavirusit.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: