TIRANE-Kreu i grupit parlamentar të PS, Taulant Balla ka depozituar në Prokurori kallëzimin penal për kreun e PD, Lulzim Basha, per vepren penale ‘shpërdorim detyre’ dhe ‘kallëzim të rremë’.
Kallezimi vjen pas denoncimit të ish oficerit të Krujës Emiljano Nuhu, i cili pretendon se është kërcënuar me armë për të mbyllur dosjen e djalit të deputetit të PS-së, Rrahman Rrahja, në prani të deputetit Taulant Balla.
Gjithashtu Balla ka kallëzuar penalisht edhe ish oficerin Emilajno Nuhu për ‘kallezim të rremë’ si dhe gazetarin Basir Collaku që realizoi intervistën.
“Në lidhje me të kallëzuarin prej meje , deputeti Lulzim Basha. Në vijim, ka dalë në orët e pasdites së datës 26.09.2016 deputeti i kallëzuar prej meje Lulzim Basha, i cili pa kryer asnjë verifikim, me dashje direkte, ka përsëritur të njëjtat akuza duke cënuar kështu interesat e ligjshme të miat dhe të shtetit njëkohësisht, që në rastin konkret kanë të bëjnë me hetimin e plotë dhe transparent të një vepre penale, nga Prokuroria e Rrethit Gjyqësor Krujë”, thuhet në kallëzimin e Ballës.
Në një status në Facebook, pas depozitimit të kallëzimit, Taulant Balla tha se denoncimi është një inskenimin i turpshëm, ndërsa sipas tij nesër do të bëjë kallëzim edhe për Edi Palokën për shpifje.
“Sapo depozitova në Prokurori kërkesën për fillimin e ndjekjes penale për te gjithë personat e përfshirë ne inskenimin e turpshëm te orkestruar dhe te bere publik nga Lulzim Basha. E garantoj opinionin publik se kjo çështje do te jete beteja qe duhet fituar ne emër te shqiptareve qe duan një politike ku akuzat te ngrihen mbi prova dhe se provave për cilindo është vetëm drejtësia qe duhet tu shkoje deri ne fund.
I bej thirrje Prokurores se Përgjithshme, Prokurorisë se Tiranës, Policisë se Shtetit te marrin te gjitha përgjegjësitë qe ju takojnë ne zbardhjen e ketij inskenimi te turpshem. E garantoj Lulzim Bashen, gjobaxhiun e rendomte te sipërmarrësve, mos guxo te me vendosesh edhe mua gjobe me kusht mosperballjen. Je shume i dobet per mua Lulzim. Mire kryetar partie se nuk di ta besh, duke e degraduar PD ne nje organizate banale babalesh. Mos guxo te besh me as regjizorin apo skenaristin, sepse qenke per turp.
Neser ketij kallzimi do t’i bashkengjitet si i kallzuar edhe shpifesi profesionist, Edi Paloka. I cili nuk e ka problem te vije ne gjykate dhe te thote se ai thote cfare i thote partia, prandaj eshte i pafajshem, po sidoqofte pa kete shpifes qesharak ne banken e te akuzuarve, kjo komedi e zymte nuk e merr kuptimin e saj te plote”- ka shkruar Balla në Facebook.
(BalkanWeb)
