Kryetari i Bashkisë së Vaut të Dejës Mark Babani në një dalje publike në media tha se akuzat e PD janë të sajuara dhe se s’kanë lidhje me të.

Babai shprehet se PD bën deklarata të rreme vetëm që të prishë imazhin e tij. Ai thotë se Gazmend Bardhi ka bërë shpifje dhe se ka aktivizuar avokatët.

“E gjithë kjo histori është e sajuar. Është një histori që nuk ka lidhje me mua. Unë deklarimet i kam pasur shumë të qarta. Ato nëse kanë prova mund të shkojnë në prokurori. Absolutisht nuk ka lidhje me gjurmët e gishtërinjve të mi.

Unë jam i gatshëm që të shkoj në Prokurori dhe të jap shenjat e gishtave. Normalisht ata do sajojnë që të më ulin imazhin. Më 4 prill 1994 kam qenë në hotel dhe kam qenë në punë. Unë në jetën time nuk kam qenë kurrë as i arrestuar dhe as i ndaluar nga policia, kurrë.  Kam aktivizuar avokatët e mi, që të bëjnë padi për shpifje ndaj Gazmend Bardhit”, tha Babani.

Mark Babai theksoi se akuzat janë vetëm shpifje, pasi PD do të pastrojë imazhin e 25 viteve që ka drejtuar këtë bashki me turp.

Sekretari i PD Gazmend Bardhi publikoi dokumente, në bazë të së cilave Mark Babani është arrestuar në Itali për vjedhje makinash.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb