Al Nassr ka kaluar fazën çerekfinale të Kupës së Arabisë Saudite. Skuadra ku luan Cristiano Ronaldo mundi 3-1 Abha, në ndeshjen e mbajtur në MRSOOL Park (Riyadh).
Ylli portugez, edhe pse ishte në fushë, nuk ishte protagonist, pasi nuk realizoi dot gol, apo edhe nuk asistoi dot. Brenda 20 minutash, ekipi i Rudi Garcias do “tundtte rrjetën” 2 herë me Al Najei dhe Al Khaibari. Goli i Maran do siguronte suksesin e Al Nassr, ndërsa për mysafirët do kishte gol nderi nga Adam A. Në fazën tjetër të Kupës, Ronaldo me shokë kanë në program një ndeshje të lehtë në letër, Al Wehda.
(BalkanWeb)