Prej disa kohësh në media është diskutuar shumë marrëdhënia e koreografit Albi Nako me dy balerinat e njohura, Klaudia Pepa dhe Alba Hoxha. Pas ndarjes nga Klaudia, Albi u përfol për një lidhje të re me Albën. Çifti u fotografua shpeshherë në shoqërinë e njëri-tjetrit dhe madje u përfolën për fejesë, megjithatë ditën e sotme Albi ka dhënë lajmin e papritur.

Ai është larguar nga Shqipëria dhe është vendosur në Itali pranë ish-gruas së tij, Klaudias, ku do të nisë punën e re në televizionin italian “Rai”. Teksa Klaudia e ka uruar publikisht në profilin e tij në Instagram, duke i uruar fat, Alba ka bërë reagimin e papritur në komente.

“Domethënë na le?”- i shkruan balerina, të cilës Albi i është përgjigjur me emojin e një njeriu që ngre duart lart, si për të treguar se s’ka ç’bën, pasi ky është vendimi që ka marrë, shkruan Xing.