“Ne. Ti. Sa dashuri na fal jeta. Përgjithmonë’. Është ky një dedikim shumë i ëmbël dhe një foto shumë kuptimplotë ajo e zgjedhur nga Alena Seredova, e cila në moshën 41 vjeçare njofton fansat e saj se pret një bebe.
E dashura e Alessando Nasi është shtatzënë në pritje të fëmijës së saj të tretë, pas David Lee dhe Louis Thomas, që i ka nga lidhja me Gigi Buffon. Fëmija pritet të vijë në jetë në qershor.
Në foton e publikuar nga Seredova shfaqen duart e saj dhe ato të të dashurit të saj që shtrëngojnë barkun rrumbullak. Në një tjetër postim të dytë ish bashkëshortja e Buffon shkruan në gjuhën ceke dhe njofton që bebja do të lindë në qershor. ’Mezi po presim’ ka shkruar.